Ü.Hacıbəyli. Nəşrlərdə kənara qoyulmuş, ixtisar və redaktə edilmiş əsərləri. Bakı, Elm, 2010.

«Elm» nəşriyyatı keçən 2009-cu ildə Üzeyir Hacıbəylinin «Nəşrlərdə kənara qoyulmuş əsərlərinin 1904-1912-ci illəri əhatə edən 1-ci hissəsini oxuculara təqdim etdi. İndi bu kitabın 1915-1917-ci illər dövrünə aid 2-ci hissəsi Üzeyir Hacıbəyli sevərlərin istifadəsinə verilir. Buraya onun «Yeni Iqbal», «Sovqat», «Açıq söz», «Doğru söz», «İttihad qəzetlərində dərc edilmiş əsərləri daxildir. Qeyd edək ki, bu yazıların bir qismi heç onun əsərlərinin biblioqrafiyasında, «Həyat və yaradıcılıq salnaməsində və ensiklopediyasında, belə göstərilməmişdir. Kitaba həmçinin 1918-ci il noyabrın əvvəllərində «Azərbaycan» (rus dilində) qəzetində dərc olunmuş «Pisğma o Persii» (1,4,6 noyabr) sərlövhəli çox mühüm bir əsəri də daxil edilmişdir.