Sərgilər və təqdimatlar kitabxana kolleksiyalarının üzə çıxarılmasının, ən yaxşı sənədlərin təbliğinin və yeni əldə edilmiş sənədlər haqqında istifadəçilərin məlumatlandırılmasının ən ənənəvi və geniş yayılmış üsullarından biridir. Onlar kitabxana-informasiya resurslarının yayılması və kitabxanaların fəaliyyətinin reklamı üçün güclü kanal hesab olunur və kommersiya və qeyri-kommersiya təşkilatlarının bir çox mühüm problemlərinin həllinə kömək edir.

Sərgi və təqdimatlar kitabxana istifadəçiləri üçün tövsiyə olunan çap və digər kütləvi informasiya vasitələrinin xüsusi seçilmiş və sistemləşdirilmiş əsərlərinin kütləvi nümayişidir.

Sərgi və təqdimatlar xidmət edir:

• Kitabxananın göstərdiyi xidmətlər və istehsal olunan məhsullar haqqında məlumat verilməsinə;
• Oxucuların geniş təbəqələrinin diqqətinin kitabxana-informasiya sahəsinə cəlb edilməsinə;
• Kitabxananın müasir güclü xidmət kimi mövcudluğu faktı ilə ictimaiyyəti tanış etməyə;
• Müsbət ictimai rəyin yaradılmasına;
• İstifadəçilərin prioritet qruplarının kitabxananın fəaliyyətinə unikal müsbət münasibətini dərinləşdirməyə;
• Kitabxana-informasiya xidmətləri və məhsulları istehlakının stimullaşdırılmasına.

Son 6 ayda MEK-də aşağıdakı sərgi və təqdimatlar keçirilib:

1. 6 aprel - Nəcəf bəy Vəzirovun 170 illik yubileyi münasibətilə sərgi
2. “15 aprel - Beynəlxalq Mədəniyyət Günüdür” adlı kitab sərgisi
3. Yeni daxil olan ədəbiyyatların sərgisi
4. Azərbaycan yazar qadınlarının "60 çiçək - bir çələng" adlı ədəbi almanaxının təqdimat mərasimi
5. Ümumdünya Kitab və Müəlliflik Hüququ Günü ilə əlaqəli virtual sərgi
6. Görkəmli oftalmoloq-alim, akademik Zərifə xanım Əliyevanın anadan olmasının 101 illiyinə həsr olunmuş sərgi
7. Türk Dünyasının Həmrəyliyi Gününə həsr olunmuş sərgi
8. Ümumdünya Mətbuat Azadlığı Günü münasibətilə kitab sərgisi
9. Ümummilli Lideri Heydər Əliyevin anadan olmasının 101 illiyi münasibətilə virtual və ənənəvi kitab sərgisi
10. Erudit liseyində “Dahi Azərbaycan şairi Məhəmməd Füzuli – 530” adlı sərgi
11. İraq-türkman folkloru və ədəbiyyatının inciləri sərgisi
12. “28 May-Müstəqillik Günü” adlı sərgi
13. Cəmilə Həsənovanın “Azərbaycanın Mil-Qarabağ bölgəsinin ilk tunc dövrü maddi mədəniyyəti” adlı kitabının təqdimatı
14. 1 İyun - Uşaqların Beynəlxalq Müdafiəsi Günü münasibətilə rəsm sərgisi
15. Millət vəkili, şair-publisist, t.ü.f.d. Musa Urudun (Quliyev) “Zəngəzur. Uzaq keçmişdən günümüzədək” monoqrafiyasının təqdimatı
16. 26 İyun- Azərbaycan Silahlı Qüvvələri Gününə həsr olunmuş sərgi
17. “Şərqi Zəngəzur – Quruculuq və Böyük Qayıdışın ünvanı” adlı kitab təqdimatı
18. Xalq yazıçısı Elmira Axundovanın kitablarının təqdimatı
19. “İlham Əliyevin ekoloji siyasəti. Dayanıqlı inkişaf və yaşıl dünya (2003-2023)” üçcildliyinin təqdimatı
20. “AMEA-nın yaranma tarixi 1920-1945-ci illər” kitabın təqdimatı